ກອງທຶນປະກັນສຸຂະພາບແຫ່ງຊາດ ຊຶ່ງເອີ້ນຊື່ຫຍໍ້ວ່າ: ກປຊ ແມ່ນການຈັດຕັ້ງທີ່ມີລັກສະນະສັງຄົມອັນກວ້າງຂວາງ ຊຶ່ງລວມເອົາກອງທຶນປະກັນສຸຂະພາບຊຸມຊົມ, ລັດຖະກອນ, ວິສາຫະກິດ, ກອງທຶນສຸຂະພາບສຳລັບຜູ້ທຸກຍາກ ແລະ ກອງທຶນປະກັນສຸຂະພາບອື່ນໆ ເພື່ອໃຊ້ຈ່າຍຄ່າບໍລິການກ່ຽວກັບການກວດພະຍາດ ແລະ ປິ່ນປົວແກ່ສະມາຊິກຂອງຕົນ. ໂດຍຢູ່ພາຍໃຕ້ການຊີ້ນຳຂອງຄະນະກຳມະການຄຸ້ມຄອງກອງທຶນປະກັນສຸຂະພາບແຫ່ງຊາດ